اليوم : الخميس ,,,, التاريخ : 22/11/1432 هـ ... الساعه : 9,42 مساءً
اليوم خميييس ,, أحلى شي انك تنام و انت ما وراك شي لا دوام ولا يحزنون هع ... بس اليوم حسيت بشي غريب ما ادري ليش أحس اليوم جمعه مهب خميس ,, هل لأنه اليوم غدانا سمك , و حنا متعودين السمك يوم الجمعه ,, أو لأنه اليوم البيت خموووول ,,
هنوده اختي للحين نايمه , و رورو قاعده ع الايبود ,, و طارق يلعب بالاي باد .. و ابوي و امي وجدتي و عزوز ,, يشربون شاهي و يتفرجون المباراه " بحكم أنه أبوي و عزوز هلاليين فمباراه مهمه بالنسبه لهم " ,, و جدي قاعد يكتب بمكتبته ,, وعمي مهب يالبيت ,,
يانااااااااااس لييه خمووول كذا ابي احد يتحرك يتحمس معي مافييه ,, كلن لاهي ,,آآآف ,,
ما أدري وش أسوي .. ودي اشوف فلم , وودي اذاكر , وودي اروح عرس " شطحه " ,, لكن اليوم من جد ودي ارقص و استهبل لكن محد معطيني وجه ,,. حتى التويتر محد فيه ,, ياالله وش ذا الخمووووووووووووووول
"آآآه يا سارونه ليتس عندي استهبل انا وياتس ولا نشوف فلم سوا { مرره فاقدتس ومشتافتلتس خيتووو } "
ملاحظة : أنا ما اعرف اشو فلم الا مع سارونه أو هنوده .. لاني متعوده داايم نشوف سوا ,, و نجيب خراابييط و نطفي النوور , و حماس ,,, عشان كذا اذا شفت فلم لحالي احس شي ناقص هع هع هع
شكله مافيه امل الا اني اروح اذاكر اصرف , و اخلي شوفة الفلم اذا قامت هنووده ..
بس فيه شي واحد زين بهالخموول .. أنهىالبيت هاااادي و لله الحمد مافيه ازعاج ,, " هذا أحسن وضع عشان اذااكر "
المصطلحات :
ـ خرابيط : تشيبسات و عصيير و فشار و شوكولاته و كوب كيك وكلل لوازم الفله
يالله نشوفكم على خير باتسر ..
اهيين عرووب
ردحذفعجبني الموضوع >> خميس بنكهه جمعه >>ههههههه
تسير بعض الاحيان انو الكل ناييم او ما حد رايق لك والكل قاعد يسوي شغله وانتي تكوني متحمممسه
بس ليش ما كلمتيني كان جيت واتفرجنا فيلم هندي سوا >>هع هع هع
وكان جبت فشار وكاكولا >>> ههههه ن شاء الله تكوني فهمتيها
الواحد لمن يطفش يبغى يروح ويسوي كل شيء واولها يبغى يروح فرح والمصيبه ما عنده فستااان او ما عنده موووديل هادي الكارثه >>ههههههه
شوفي خلاص المره هادي سماح اني ما جيت اتفرجت معاك فلم هندي >> مدري ليش معلقه على الهندي بس المره الثانيه ازعل:( >> امززح
عرووووووووووبتي ، انا مرة مستمتعه وانا اقرأ يومياتك .. استمررري يا بطلة
ردحذف:
:
وان شاءالله تجونّا ونتفرج أفلااام إلييين ما ننتفخ من الخرابيط ههههههههههه
،
احبببك :$
سارة ^.^